Noticias

PROGRAMA PRINCIPIA

Taller de presentación

PROGRAMA PRINCIPIA

Axudas para a contratación de profesionais en actividades de I+D+i

Mércores, 8 de xuño - 10:00 h.

Sala IV do edificio Miralles

Campus Universitario de Vigo

O vindeiro mércores 8 de xuño, a Universidade de Vigo, en colaboración coa Axencia Galega de Innovación (GAIN), organiza, na sala IV do edificio Miralles, o taller "Programa Principia. Axudas para a contratación de profesionais en actividades de I+D+i", no que se presentarán os detalles deste novo instrumento de axudas, impulsado pola Consellería de Economía, Emprego e Industria da Xunta de Galicia. Esta convocatoria, dotada con 3 millóns de euros, prevé fomentar a formalización de 300 novos empregos para persoal menor de 35 anos. 

O obxectivo deste taller é  dar a coñecer aos grupos de investigación e titulados/doutorados universitarios, os requisitos e características deste programa de axudas, resolver as súas dúbidas e estabelecer un espazo de networking para o contacto entre profesionais e entidades, co obxectivo de estimular a contratación no eido da investigación, o desenvolvemento e a innovación en Galicia.

As persoas interesadas en asistir, deberán cubrir o seguinte formulario de inscrición 

Programa:

10.00 h Apertura institucional.

10.15 h Charla coloquio: "PRINCIPIA, principais chaves da convocatoria de axudas".

• Representante da Axencia Galega de Innovación (GAIN)
• Representante da Universidade de Vigo

11.30 h Peche do taller e despedida.